¿Lavar la bici?

Diagnosticáronme SADAE: Síndrome de Atención Deficiente Activau pola Edá, y parez que se manifiesta asina:

Iba dir lavar la bici ...

y cuando voy pal trasteru veo que hay unes cartes a la entrá. Échoyos un vistazu… poso les llaves, voy tirar los sobres vacíos al calderu´l papel… y veo que ta llenu. Dejo les cartes (ente elles un recibu) na mesa la cocina y decido llevar el papel al contenedor.
Entos, pienso… ya que voy al contenedor aprovecho y de pasu pago el recibu. Al garrar el monederu y les llaves ...

veo la latuca cerveza que taba tomando y olvidá. Pa que nun caliente, llévola a la nevera y ye cuando veo na cómoda les gafes de cerca que llevo buscando tola mañana.

Poso´l bote y llevo ...

les gafes pal cuartu. Ye entós cuando atopo el mandu la tele que casi chiflamos ayer buscándolu (quién demoniu lu dexaría ahí).
Cuando voy col mandu pal salón veo quel bote dejó cercu na mesa y voy a la cocina por un trapu…
Cuando salgo la cocina col trapu na mano, quédome pensando… pa onde voy con esti trapu…
El casu ye que pasó la mañana, nun lavé la bici, nun pagué´l recibu, el contenedor del papel tá llenu, hay un bote cerveza caliente na cómoda, nun alcuentro les gafes ni les llaves del trasteru, ¡ah! y onde andará el mandu la tele…

Pues eso, que nun paré en tola mañana y nun fice ná.
Mándayos esti mensaje a tolos que conozcas rondando los 50 (dicen que comencipia por ahí), yo ya nun sé a quién lu mandé.
Y perdona les lletres tan grandes, ye que tovía nun atopé les gafes.

Vuelta a los oríxenes.

Con 14 años tuve que garrar la bici pa dir trabayar d’ aprendiz. Depués ya fué por afición, y nunca la repuné, porque siempre quedaba con ganes.
Agora, que llevo ya venti años tirando casi too cola btt, dame por volver a los oríxenes.



Too empezó leyendo una revista cicloturismu, y claro, coles histories que te cuenten,…, y les semeyes que ves,…, poneste como una moto.
De fechu, contaba un belga que yos gusta pedaliar, pero tamién beber, xintar y charrar, y depués la marcha tomar dos cerveces (prietes), una pala sede y otra pa él. Esti ye de los míos, dixe.
Bueno, el casu ye que como chaba menos rodar en pelotón, avereme a estos rapazos de la SCTA, que a modu broma lleven una estrapayá años (+ de 30) rodando xuntos.

Esto nun quier dicir que la bici montaña té colgá, la cabra tira pal monte.
Acabo llegar facer la 1ª marcha, Xixón, La Pola, Sariegu, La Villa, Xixón; y paselo perbien.
Salú.

Un cuentu de humor prietu.

Sin ganes mancar sensibilidaes.
Bueno, pues yera un ciclista que baxaba'l puertu como un volaor, el casu ye que garra gravilla n'una curva,
despéñase y mátase.
Llega la autoridá y lleven el cadaver al pueblu más cercanu.
Nel remolín que s'organiza apaez una muyer per nerviosa (Josefa) partando xente y dixendo:
¡Ay má! que'l mi Ramonzón salió dar una vuelta y entovía nun volvió.
Entós, el forense comentai: señora, pase pala ambulancia y mire ver si pué identificalu, aunque va tar complicao porque tá muy deformau.
Josefa echai un vistazu, primeru de raspión y depués con más aplomu:

Ná, guapín, nun pueo dicite, el probe ta tan fechu polvo..., pero... si nun te dá más, levantai la sábana otru poquiñín pa ver si m'ayuda algo.
El forense destapai hasta por baxu la cintura y entós ye cuando Maruja, más tranquila ya, diz:
¡Ay fíu!, esti nun ye'l mi Ramonzón, ¡pero del pueblu tampoco!.

Contáronmelo asina.

Trabayaba como un burru tola selmana… l’únicu que lu facía feliz yera saber que los sábados yeren pa él.

Un d’ellos, llevantose per tempranu, puso la ropa d’andar en bici y, con munchu cuidau de nun facer ruíu pa nun despertar a la so muyer, salió del cuartu, fizo’l desayunu, preparó’l pinchu, bidón, …, bueno, too eso.

Garra la bici, y cuando asoma’l focicu al portal, encomencipia llover a tou trapu. Arruga la ñariz y quédase rumiándolo un cachín.

¡Ná!, jodiose la vueltuca. Bici pal trasteru y torna pal cuartu, con sigilu desvístese y acurrucase xunto la muyer, susurrando-y al oíu: “Cariñín, fai un tiempu del demoniu”, entós contesta-y la muyer con voz melguera:

“Y el boborolo del mi home, na bici per ehí”.

Curiosidaes I.

Si tas aquí, ye porque quiés, l'asturianu ye un bien cultural como la catedral d'Uvieu, y nun t'obliguen visitala.
(leilo l'otru día, gustome, y aquí tá).


Pero la curiosidá ye la que atopé nel periódicu y que vos pongo tal-cual:
El Diccionariu Enciclopédicu Espasa, na edición de 1910, recomendaba pa un viaje ciclista llevar:
- un farol.
- una bomba.
- un neumático.
- una camisa de dormir de seda.
- medias y pañuelos.
- una camiseta.
- un revolver.
- y un mapa.

Que nun cunda l'exemplu y finemos a tiros.

Cuitu Negru-Campolamoso

Pues diome por emular a JMG (coles humildes limitaciones que tengo) y fice una ruta en solitario per territoriu inesplorau, ¡ y con semeyes!.

Arranqué a les 8,30 h. (onde sal la pista que va pal Ruchu) Ptu. Payares arriba, falten 3,5 km. pa coronar, Brañillín y Cuitu Negru (1867 m.), techu la ruta.

La pistona recuérdame la de Demués-Lagos Covadonga, como nun subo un rial, pues del ramal un buen cachu.

Llego al Cuitu Negru...

Arranca una pista pa baxu, que pasa por un pinar y depues la Cda. Gistreo...

...llega a Casares de Arbás.

2 km. pola carreterina hasta Cubillas de Arbás, giru a la izda. y enseguía el camín desapaez, si nun ye pol gps nun llego a la fuente onde ya se ve clara la subía al Alto las Lomas, que al final hay que furar ente los piornos pa pasar.


Ya toi arriba, bones vistes y bona pista pa baxar al Pto. de Arralla, onde hay un mesón, y la chigrera ponme de pinchu un poco embutíu la zona que nun desprecio.
Un camín guapu llévame a Aralla de Luna y nun trís toi nel Embalse Barrios
de Luna. Una carreterina perguapa llévame casi sin dame cuenta a Robledo de Caldas, son les 13 h. y torra que da gusto, en León ya se sabe (¡ah!, aprovecho pa saludar a los leoneses, nun fartucu dicir lo que me gusta el norte León). Arranca una pista que sube a la Majada Agujas y termina xunto una cabaña...

ta un poco estropiau, pero conviértese en una trialera llaaaarga, espetacular poles vistes sobre un valle perguapu, llego a la Majada de la Cazurría y por praderíes baxo al fondo'l valle, cruzo un riucu y subo a la Cda. Campolamoso.

Un senderín y llueu praderíes van averándome a la Casa Mieres. Toca comer un migayu, café y chupito-gresi (llambión que ye unu)

Arriando pal Ptu. la Cubilla, bona pista, llana y llueu descensu por praderíes hasta unes charques, toca garrar la bici del ramal y subir los Ptos. de Ballota. Equí ye onde se cumplen los malos augurios que tenía d'esti tramu. Hay que baxar, pero nun hay un camín, hay 200, que fai el ganao y llévente a 300 trampes. Faen escaleres y hay que dir perdiendo altura como se puea. Resulta que esto ye un PR (nun recuerdo el númberu), pero solo ví un lletreru al principiu y otru al final.

Bueno, llego a los restos la braña El Fasgar, paez que aclara per onde dir, unes cabañes arreglaes (los Cuadros), pero el track que me pasaron nun ye muy precisu, colos árboles el gps nun va finu y acabo xunta'l riu nun camín sin salía, arremango la bici al yombu y esgalitio hasta topar col senderu buenu. 800 metros de trialeruca pa finos; yo, con cuidadín hasta que veo asomar les naves de mantenimientu l'autopista. ¡Por fin!,


agora queden poco más de 10 km. de pista pol bosque El Ruchu pa finar.
Nun los disfruté tolo debío porque depués 9,5 hores y con 70 km. nel yombu tenia ganes llegar. 2450 metros de desnivel acumulau y fin del monólogo.